Mission & Vision

He department hian hna zawnglai mek leh hna thawktute tana tangkai leh pawimawh em em mai thawktu department a ni. Tin, hnathawktu hrang hrang private emaw sawrkar emawa thawkte leh a ruaitu company/firm te dan leh dun fel tak hnuaia register-a enkawltu leh hamthatna hrang hrang pe theitu a ni. He department hi central government-a Ministry of Labour & Employment nen inkungkaihin thalai lehkhathiam hna nei lo hna zawng mekte, mimal/pawl te, sawrkar hnuaia hnathawktu (labour) leh a ruaitu (contractor) te dan hnuaia register in kaihhruaina leh zirtirna (training) a pe thin a ni.

He department hi hna zawng mek te leh kuthnathawktu hrang hrangte tana tangkai leh pawimawh tak a niin, training leh hamthatna dang tam tak he department hnuaia pawl (trade union/firm/company) leh lehkhathiam hna zawng mek in-register te tan a pe thin a ni. Tin, sawrkar hna zawng kher lova mahni kut kea eizawng ve thei turin training te pein phai lama zir theih te a sponsor thin bawk.  He department enkawlna hnuaiah hian mahni hna tuina lam tur zawng zir theih turin Craftsmen training institute (Industrial Training Institute) chu Aizawl, Lunglei leh Saiha ah a nei a, kumtinin heng trade hrang hrang atang hian miten eizawnna hnar tha tak tak an hmuh phah thin a ni.

This website belongs to Department of Labour, Employment & Industrial Training, State Government of Mizoram, India. Hosted by DoICT, Template by ZENICS | Template by ICT